Сёлета ў сакавіку ў Грузію прыехалі амаль 20 тысяч грамадзян Беларусі
У сакавіку бягучага года ў Грузію прыехалі амаль 20 тысяч грамадзян Беларусі, большасць з іх там і засталіся.
Статыстыку перасячэння мяжы прааналізаваў Тбіліскі інстытут развіцця свабоды інфармацыі (IDFI).
Большасць беларусаў прыляцела праз аэрапорт у Тбілісі (53%).
Адмоўлена ва ўездзе было толькі 16-ці грамадзянам Беларусі – гэта менш за адну-дзясятую працэнта.
Частка беларусаў, якія прыехалі ў Грузію, пасля выехалі, але больш за 14 тысяч чалавек на канец сакавіка заставаліся ў Грузіі.
У той час як у сакавіку 2019 года (да пандэміі, пратэстаў і вайны) колькасць тых, хто заехаў і выехаў, была прыкладна роўнай, а сама колькасць беларусаў, якія прыехалі ў Грузію, была на 555 працэнтаў меншай.
Сярод прычын такой сітуацыі ў інстытуце называюць вайну ва Украіне, палітычныя рэпрэсіі і імкненне пазбегнуць санкцый.
Паводле nashaniva.com
