Трынітарская вежа ў Любліне
Трынітарская вежа ў Любліне – неагатычная вежа-званіца. Яна з’яўляецца самай высокай гістарычнай кропкай Любліна. З назіральнай пляцоўкі на вышыні 40 метраў адкрываецца шырокая панарама горада.
Назва вежы паходзіць ад ордэна трынітарыяў, якія пражывалі ў езуіцкіх манастырскіх пабудовах, размешчаных непадалёк ад вежы. Цяпер у яе інтэр’еры знаходзіцца Архідыяцэзіяльны музей.
Трынітарская вежа таксама завецца Трынітарскай брамай. Вежа ўваходзіла ў склад будынкаў езуіцкага калегіума.
Спачатку была толькі манастырская брамка і ўваход у сабор ці школу вёў менавіта праз гэту брамку. У 1627 годзе яна была падвышана і прызначана пад званіцу. Пасля закрыцця закону езуітаў яна перайшла ў рукі трынітарыяў. Нягледзячы на тое, што збудаванне нядоўга належала манахам, з гэтага моманту яго сталі называць Трынітарскай вежай. Аднак трынітары былі бедным ордэнам. Будынкі ў манастырскім комплексе пачалі разбурацца і мелі патрэбу ў капітальным рамонце. У 1818 годзе наступным уладальнікам аб’екта стаў горад.
У XIX стагоддзі Трынітарская вежа разам з саборам была перабудавана. Антоніа Корацці распрацаваў яе ў неагатычным стылі. Падчас Другой сусветнай вайны яна была моцна разбурана, а аднаўлялася ў 1945-1952 гадах. Зараз тут знаходзіцца Архідыяцэзіяльны музей. Уваход на эскпазіцыю і верхнюю пляцоўку вежы платны – 8 злотых. У калекцыі музея ёсць такія прадметы як карціны, іконы, скульптуры, саркафагі, музычныя інструменты, падсвечнікі і іншыя старажытныя рэчы. Вельмі шмат унікальных і адметных драўляных рэчаў.
З вяршыні вежы вы можаце ўбачыць панараму ўсяго гораду і далягляды. Калі будзеце ў Любліне, абавязкова наведайце гэта памятнае месца.
Беларускае Радыё Рацыя
