Царква старавераў у Полацку
У 1650-я гады ў Расейскай дзяржаве пачаўся царкоўны раскол. Прыхільнікі старой веры пачалі ўцякаць ад пераследу царскіх улад у суседнію, больш талерантную Рэч Паспалітую. Шмат іх асела вакол Полацка, а ў самім горадзе ў XIX стагоддзі была пабудавана каменная царква старавераў, якая не захавалася да нашых дзён.
Стараверы — гэта вельмі цікавы шлях, па якім магло пайсці праваслаўе. Як пратэстантызм зрабіў еўрапейскі капіталізм, так і стараверы маглі зрабіць зусім іншую Расію. “Кніжную”, адукаваную, цвярозую.
Пасля развалу Савецкага Саюза ў незалежнай Беларусі стараверы пачалі аднаўляць свае храмы. У 1998 годзе ў Полацку была пабудавана дрэўлеправаслаўная паморская царква Успення Прысвятой Багародзіцы.
У бібліятэцы гэтай царквы ёсць унікальныя кнігі старавераў: “Кормчая” 1912 года выдання, якая важыць 14 кілаграм; “Талковае Евангелле” 1912 года, вагаю 10 кілаграм, і інш.
Знакамітая царква і спевамі – тут спяваюць так, як гэта рабілася ў XVII стагоддзі.
[Not a valid template]
Беларускае Радыё Рацыя
Фота Таццяны Козік
Глядзіце таксама
