Турыстам, зрабіўшым вакцынацыю, у Грузіі дадатковыя ПЛР-тэсты не патрэбныя
Турыстам, зрабіўшым вакцынацыю, у Грузіі не прыйдзецца прад’яўляць вынікі ПЛР-тэсту ні пры ўездзе, ні ўнутры краіны.
Да гэтага дзейнічала наступная ўмова: турысты, якія прайшлі вакцынацыю ад COVID-19, павінны былі прадставіць акрамя пасведчання аб вакцынацыі (на англійскай мове) яшчэ і адмоўны ПЛР-тэст, зроблены не раней чым за 72 гадзіны да прыбыцця. Цяпер у Грузію можна прылятаць з сертыфікатам пра вакцынацыю альбо з ПЛР-тэстам (для грамадзян ад 10 гадоў).
Вынік ПЛР-тэсту павінен быць здадзены не раней 72 гадзін да перасячэння мяжы з Грузіяй. Дакумент абавязкова павінен быць у папяровым выглядзе на англійскай мове (калі на любой іншай мове, то неабходны натарыяльна завераны пераклад).
Да прылёту ў Грузію трэба запоўніць анкету ў электронным выглядзе. Пры запаўненні неабходна ўказаць адрас электроннай пошты. На дадзены адрас прыйдзе ліст-пацверджанне аб паспяховым запаўненні анкеты з прысвоеным нумарам. Дадзены ліст (нумар) трэба паказаць з тэлефона альбо ў друкаваным варыянце пры рэгістрацыі на рэйс у Беларусі і на пашпартным кантролі ў Грузіі. На трэці дзень пасля прылёту турыстам, зрабіўшым вакцынацыю, давядзецца абавязкова здаць яшчэ адзін ПЛР-тэст. Рэгістраваць яго нідзе не трэба, але трэба мець заўсёды з сабой да выезду.
Тэст здаецца ўсімі грамадзянамі ад 10 гадоў пры ўездзе і на трэці дзень, дзеці ва ўзросце да 10 гадоў ад здачы ўсіх тэстаў вызваленыя. За няздачу тэсту на трэці дзень пагражае штраф за 2 000 лары (600 даляраў). Калі турыст за апошнія 14 дзён наведваў Вялікабрытанію, то яму прыйдзецца вытрымаць абавязковы 12-дзённы карантын.
