У Беларусі запусціўся новы дадатак Uber BY
У Беларусі запусцілася новае прыкладанне Uber BY, распрацаванае з улікам пажаданняў карыстальнікаў і асаблівасцяў рынку.
Як паведамілі ў кампаніі, усе новыя функцыі, тарыфы і прапановы сэрвісу Uber будуць даступныя ў Uber BY, а дадаткам Uber можна будзе скарыстацца толькі за мяжой.
Новы дадатак выкарыстоўвае вектарныя карты замест растравых, таму яно лепш працуе ва ўмовах павольнага мабільнага інтэрнэту, а таксама займае на прыладзе ў тры разы менш месцы. У ім з’явіліся функцыі, якіх няма ў папярэдняй версіі. Зараз можна напісаць каментар да замовы; дадаць прамежкавыя адрасы, калі па дарозе трэба кудысьці заехаць; пакінуць кіроўцу чаявыя, якія спішуцца проста з карты, паглядзець гісторыю паездак. Акрамя таго, Uber BY умее рэкамендаваць альтэрнатыўныя пункту пасадкі, да якіх можна за пару хвілін дайсці пешшу, каб з’ехаць хутчэй і танней.
Пры рэгістрацыі досыць увесці нумар тэлефона, які быў прывязаны да Uber, і ў новае прыкладанне Uber BY аўтаматычна дададуцца гісторыя паездак, любімыя адрасы, прывязаныя плацежныя карты і электронная пошта для справаздач аб замовах.
Uber BY цяпер працуе ў 11 новых гарадах. Акрамя Менску сэрвісам можна карыстацца ў Баранавічах, Бабруйску, Барысаве, Берасці, Віцебску, Гомелі, Гародні, Жодзіна, Лідзе, Магілёве і Рэчыцы. У гонар выпуску новага прыкладання карыстальнікі да 31 студзеня могуць атрымаць персанальныя зніжкі. Прыкладанне можна спампаваць у App Store і Google Play.
