У Ерусаліме зноў адчыняюць Храм Гроба Гасподняга
У нядзелю, 24 траўня, у Ерусаліме пасля змушанага двухмесяцавага перапынку, звязанага з пандэміяй каронавіруса, зноў адчыняецца Храм Гроба Гасподняга.
Адначасна знаходзіцца ў храме змогуць не больш 50 чалавек. У межах супрацьвірусных мер, ім патрэбна будзе мець абарончую маску і захоўваць дыстанцыю 2 метры адзін ад аднаго.
Паломнікам і прыхаджанам рэкамендуюць не цалаваць святыні і не датыкацца да іх.
Храм Гроба Гасподня быў зачынены для вернікаў у сакавіку ў межах жорсткіх мераў па змаганні з каронавірусам, якія ўвёў урад Ізраілю.
Беларускае Радыё Рацыя
