Унікальны могільнік на беразе возера Івесь
Вядомы гісторык і археолаг Сяргей Тарасаў правёў гістарычную экскурсію па ўнікальных могілках на беразе возера Івесь на Глыбоччыне. Побач з курганамі часоў язычніцтва суседнічаюць старажытныя хрысцінскія могілкі.
Расказвае Сяргей Тарасаў:
– Гэта могільнік 14-15 стагоддзяў. Безумоўна, хрысціянскі могільнік. Традыцыя была зразумелая. Курганы паціху знікалі, людзей ужо пачыналі па-хрысціянску хаваць у зямлі, у трунах. І таму, каб пазначыць месца, дзе нябожчык ляжыць, яны выкладалі гэтымі камянямі. Звычайна адзін вялікі камень у галаве, у нагах, і вакол абкладалася камянямі. Хтосьці мне задаў пытанне, а чаму на іх не напісана, хто тут ляжыць. А тыя, хто хаваў, ведалі, хто тут ляжыць, ім не трэба было пісаць.
Пазалетась на гэтым археалагічным помніку працавала экспедыцыя Полацкага дзяржаўнага ўніверсітэта. Перад раскопкамі даследчыкі зафіксаваліся месцазнаходжанне кожнага камяня, і па завяршэнні прац усё аднавілі.
Васіль Кроква, Беларускае Радыё Рацыя
