Віярэджа – курортны гарадок на беразе Лігурыйскага мора
Віярэджа (Viareggio) – невялікі курортны гарадок у італійскай правінцыі Лука, што ў рэгіёне Таскана, які размешчаны на беразе Лігурыйскага мора. Пражывае тут каля 60 тысяч жыхароў, аднак у летнія месяцы ў звязку з адпачынкамі людзей тут значна больш.
У пачатку траўня, хоць ужо дастаткова цёпла, мясцовыя пляжы яшчэ амаль пустыя.
Нешматлюдна і на галоўнай праменаднай вуліцы Віярэджа. Гэтая ўзбярэжная з мноствам гатэляў, буцікаў і кавярняў цягнецца амаль тры кіламетры.
Маяк – адзін з сімвалаў Віярэджа.
Пайшоўшы досыць працяглым молам, можна пабачыць вось такую скульптуру. Гэта помнік сям’і маракоў.
У Віярэджа процьма караблёў, яхтаў і разнастайных кацераў, якія ў траўні яшчэ пераважна на прычале. Горад ведамы таксама сваімі верфямі па пабудове дарагіх яхтаў. Тых, хто вяртаецца з плавання нязменна сустракае скульптура Маці Божай.
Аздоба старымі якарамі адной з папулярных прыморскіх кавярняў.
Такой сімпатычнай выглядае нумарацыя дамоў.
Галоўнай архітэктурнай візітоўкай Віарэджа ёсць сабор Сант-Андрэа (Chiesa di Sant’Andrea) з прыгожай званіцай. Пабудаваны храм у сярэдзіне 19-га стагоддзя.
Ладзік Майніч, Беларускае Радыё Рацыя, фота аўтара
