З 1 траўня пенсіянеры атрымаюць зніжку 50% на праезд у электрычках
Пра гэта паведамілі ў прэс-цэнтры Беларускай чыгункі.
Кожны год у перыяд сезонных сельскагаспадарчых работ з 1 траўня па 31 кастрычніка, грамадзяне, якія дасягнулі агульнаўстаноўленага пенсіённага ўзросту, маюць права на скідку 50% ад кошту праезду ў цягніках рэгіянальных ліній эканомкласа.
Для набыцця праязных дакументаў са скідкай трэба прад’яўляць арыгінал пенсіённага пасведчання. Таксама гэты дакумент неабходна мець пры сабе пры праездзе ў цягніках рэгіянальных ліній эканомкласа.
Прадастаўленне гэтай ільготы не прадугледжваецца пры праездзе ў цягніках рэгіянальных ліній бізнес-класа і міжрэгіянальных ліній (з нумараванымі месцамі), а таксама пры праездзе ў цягніках гарадскіх ліній.
Ільготныя праязныя дакументы пенсіянеры па ўзросце могуць аформіць у білетных касах, а таксама на сайце pass.rw.by, з дапамогай мабільнага дадатку «БЧ. Мой цягнік» і праз тэрміналы самаабслугоўвання. З улікам бягучай эпідэміялагічнай сітуацыі Беларуская чыгунка рэкамендуе выкарыстоўваць дыстанцыйныя каналы продажаў.
