У грузінскім Батумі на плошчы Еўропы 15-га чэрвеня ўкраінскія і беларускія актывісты распавялі пра ўкраінскіх палонных. Акцыя “Стань голасам палонных” сабрала амаль тры дзясяткі актывістаў супольнасці “Майдан Батумі”.
Перад прысутнымі актывістамі выступіў прадстаўнік украінскай дыяспары ў Батумі Аляксей Севярыненка, які распавёў пра вялікую колькасць палонных цывільных і вайсковых, якіх захапілі расейскія войскі. Ён адзначыў, што пра кожнага чалавека, які знаходзіцца ў расейскім палоне, трэба памятаць.
Таксама на акцыі прысутнічалі прадстаўнікі грамадскай арганізацыі “Беларуская дыяспара ў Аджарыі”, якія амаль кожны дзень прысутнічаюць на ўкраінскіх акцыях на батумскай плошчы Еўропы.
Беларускае Радыё Рацыя
