Беларускія актывісты Раман Кісляк і Марына Зялёная правялі пікет насупраць Міністэрства ўнутраных справаў Грузіі.
Пра акцыю расказаў Раман Кісляк:
– Правялі пікет супраць расавай дыскрымінацыі. Тое, што беларусам масава пачалі адмаўляць у прытулку, розныя прычыны прыводзяць. Мы лічым, што гэта дыскрымінацыя па прыкмеце нацыянальнага паходжання. Адмаўляюць усім беларусам. І нас, беларусаў, паставілі ў такую дыскрымінацыйную сітуацыю. То бок нас дыскрымінуюць у параўнанні з грамадзянамі іншых дзяржаў. Мы хочам выклікаць увагу да гэтай праблемы.
Па словах Рамана, і паліцыя, і жыхары Тбілісі вельмі адэкватна паставіліся да ўдзельнікаў пікету:
– Людзі прахадзілі, прыязджалі, некаторыя падыходзілі, распытвалі, падтрымлівалі. Гэта такое месца, дзе шмат транспарту праходзіць побач, сігналілі, падтрымлівалі. Што датычыць паліцыі, то адразу падышлі і спыталі: што за пікет? Потым яшчэ раз пад’ехалі. Потым трэці раз пад’ехала паліцыя. Стаялі на адлегласці, нас фатаграфавалі.
Праваабаронца маніторыць усе падачы беларусаў на ўцякацтва і міжнародную абарону ў Грузіі, і па яго звестках, такі статус пакуль не атрымаў ніводзін беларус, які знаходзіцца ў гэтай краіне.
Беларускае Радыё Рацыя
