КДБ праводзіць антытэрарыстычныя вучэнні ў Астравецкім раёне Гарадзенскай вобласці. Пра гэта паведамляе БелТА са спасылкай на Камітэт дзяржаўнай бяспекі.
Сцэнар вучэнняў прадугледжвае задзейнічанне ваеннай і іншай спецыяльнай тэхнікі, узмоцнены кантроль і абмежаванне дарожнага руху ў зоне правядзення праверачных мерапрыемстваў.
У вучэннях бяруць удзел падраздзяленні КДБ, МУС, Мінабароны, Следчага камітэта, МНС і іншых дзяржаўных органаў. Яны прысвечаны праверцы гатовасці дзяржаўных органаў да ўзаемадзеяння і рэагавання на акты тэрарызму, – гаворыцца ў паведамленні.
Беларускае Радыё Рацыя
