У Эдынбургу 4-га жніўня пакажуць пастаноўку «1984». На фоне маштабных палітычных рэпрэсій у Беларусі, ціску на культуру і забарону кніг, у тым ліку рамана «1984» Джорджа Оруэла, гэты спектакль асабліва актуальны.
У Варшаве ж 4-га жніўня – клуб «Кінатанэль» з Сяргеем Пукстам. Фільм, які будуць глядзець, пакуль трымаецца ў сакрэце. А разгадку ведае толькі ён — Сяргей Пукст.” То даверцеся ж маэстра, сядайце ў імправізаваную ваганетку і го даследаваць цёмныя закуткі кіно, у якіх вы, з вялікай верагоднасцю, яшчэ не бывалі”, – прапануюць арганізатары.
4 жніўня, у нядзелю, беларуская музыка Palina зайграе канцэрт у Таліне.
На дзень раней, 3 жніўня ў Варшаве адбудзецца 7-ы, заключны ў гэтым сезоне, этап лігі «Шахматны Волат». Прызёры групы прафесіяналаў кожнай узроставай катэгорыі ўзнагароджваюцца грашовымі падарункамі. Таксама будуць падведзены вынікі лігі «Шахматны Волат 2023–2024».
І яшчэ адна імпрэза з вольным уваходам адбудзецца ў Варшаве ў гэтую суботу ў Odessa Club — адборачны конкурс маладых выканаўцаў “Зайграй на Graj”! Пераможца адкрые галоўную сцэну трэцяга беларускага фестываля Graj. На імпрэзе чакае шмат разнастайнай музыкі самых розных жанраў: ад поп-рока да блэк-метала. На сцэне – Graphotype (англамоўнае трыа з Варшавы, хард-рок, гранж, блюз-рок), OliA Shnip Band (гурт створаны ў 2023 годзе ў Варшаве, cinematic pop), Kurwadziki (здзічэлыя ў беластоцкіх лясах беларускія музыкі, акустычны панк), Homebound (у творчасці спалучаюцца элементы singer-songwriter, indie і электроннай музыкі), Мой дядя Азнавур (крыху шансону, крыху панку і ніякага кахання), Paradox (пост і поп-рок), Юрый Брыцько (родам з Мазыра, цяпер базуецца ў Вільні і змешвае розную музыку), TORN (створаны ў 2023 годзе ў Варшаве, блэк-метал, панк і металкор), Kubaverde (рэпрэзентант сталічнай хіп-хоп сцэны на свяце рок-н-ролу).
Такія падзеі чакаюць бліжэйшым часам. Далучайцеся!
Беларускае Радыё Рацыя
