Журналіста затрымалі раніцай 17 ліпеня 2023 года пасля ператрусу ў ягонай кватэры. Спачатку яму прызначылі адміністрацыйны арышт, але на волю ён не выйшаў – з Акрэсціна Ігара перавялі ў СІЗА ў межах крымінальнай справы.
Менскі гарадскі суд з 19 сакавіка разлядаў справу журналіста. Працэс вёў суддзя Сяргей Кацар. Ігара абвінавацілі паводле ч. 3 арт. 361-1 КК (удзел у экстрэмісцкім фарміраванні). Яго асудзілі да 3 гадоў калоніі і штрафу ў памеры 20 тысяч рублёў. Вярхоўны суд 7 чэрвеня разгледзіць апеляцыйную скаргу Ігара Карнея. Рашэнне будзе прымаць судовая калегія пад старшынствам суддзі Аляксандра Саўчука.
На сёння за кратамі знаходзяцца 38 прадстаўнікоў беларускіх медыя.
