Расейскія войскі нанеслі ўдары «шахедамі» па Харкаве, паведаміў кіраўнік Харкаўскай абласной адміністрацыі Алег Сінягубаў.
Адзін беспілотнік трапіў у прыватны дом у Шаўчэнкаўскім раёне Харкава. У выніку адзін чалавек загінуў, яшчэ 19 атрымалі раненні, у тым ліку 16-гадовыя хлопец і дзяўчына, напісаў Сінягубаў у тэлеграм-канале.
Мэр Харкава Ігар Церахаў паведаміў, што, паводле папярэдняй інфармацыі, беспілотнікі трапілі ў шэсць аб’ектаў, сярод якіх гандлёвы цэнтр, шматпавярховыя жылыя дамы, медыцынская ўстанова, а таксама офісны будынак.
Вядома, што сярод аб’ектаў, у які трапілі дроны, быў вайсковы шпіталь. Сярод вайскоўцаў, якія ў ім лячыліся, ёсць пацярпелыя.
Беларускае Радыё Рацыя
Фота: тэлеграм-канал Алега Сінягубава
