У Варшаве ва Універсітэце музыкі імя Фрыдэрыка Шапэна адбылася ўрачыстая імпрэза, прысвечаная Дню Волі. Яе арганізатарамі выступілі Аб’яднаны Пераходны Кабінет Беларусі і Міністэрства замежных спраў Польшчы.
Чаму такія імпрэзы важна праводзіць, нашаму радыё распавёў намеснік кіраўніцы АПК, кіраўнік Народнага антыкрызіснага ўпраўлення Павел Латушка:
– Гісторыя не раз даказала, што эміграцыя дыяспары за мяжой мела ўплыў на змены і ўнутры краінаў. Напрыклад, сітуацыя ў Польшчы, калі нацыянальны рух фактычна дапамог аднаўленню незалежнасці Польшчы ў 1919 годзе. Таму такія імпрэзы, якія аб’ядноўваюць розныя ініцыятывы беларусаў, якія, на жаль, знаходзяцца ў эміграцыі, яны будуюць. Будуюць матывацыю, будуюць узаемадзеянне, і гэта пераказ нашым партнёрам, што мы працягваем змагацца.
Падчас урачыстасці адбыўся выступ гурта SPIEVY.
Цалкам матэрыял слухайце ў далучаным файле:
Беларускае Радыё Рацыя
