26-га студзеня Святлана Ціханоўская прызначыла Дзмітрыя Кучука дарадцам па пытаннях экалогіі. Ён будзе працаваць па-за штатам, займацца распрацоўкай экалагічных пазіцый Офіса, развіццём супрацоўніцтва з беларускімі і міжнароднымі зялёнымі арганізацыямі.
Адным з прыярытэтаў Кучука стане падтрымка кантактаў з беларускімі фермерамі і рэгіёнамі Падляшша, каб у будучыні яны маглі аператыўна выйсці на еўрапейскі рынак. Сам Дзмітрый Кучук адзначыў:
-Хацелася б папрацаваць з беларускімі фермерамі на перспектыву. Фермеры не падтрымлівалі агрэсіі Расеі супраць Украіны. Транспамежны гандаль узнавіць зараз вельмі складана, але гэтыя сувязі павіны заставацца.
Такі падыход, падкрэслівае Кучук, дазваляе рыхтаваць беларускіх і падляшскіх фермераў да перспектыўнага развіцця, умацоўваць эканамічныя сувязі і падтрымліваць нармальны гандаль у будучыні. Сярод планаў дарадцы – таксама каардынацыя мерапрыемстваў да 40-годдзя Чарнобыльскай катастрофы, у тым ліку правядзенне Чарнобыльскага Шляху ў Вільні.
Цалкам гутарка:
Беларускае Радыё Рацыя
