Міністэрства гандлю Кітая папярэдзіла аўтавытворцаў краіны пра рызыкі, звязаныя з інвестыцыямі ў аўтамабільную прамысловасць за мяжой.
Фота: autoconsulting.ua
Выданне Reuters піша, што аўтавытворцам рэкамендавалі не інвеставаць у Індыю, “настойліва рэкамендавалі” не інвеставаць у Расею і Турцыю і ў больш мяккім тоне ўказалі на рызыкі пры будаўніцтве заводаў у Еўропе і Тайландзе.
Міністэрства таксама заклікала аўтавытворцаў выкарыстоўваць замежныя заводы для канчатковай зборкі аўтамабіляў з выкарыстаннем камплектуючых, якія экспартуюцца з Кітая, каб знізіць патэнцыйныя рызыкі, звязаныя з геапалітычнымі праблемамі.
