Беларускія і расейскія мабільныя аператары адмянілі роўмінг паміж дзвюма краінамі. Цяпер абаненты змогуць тэлефанаваць, адпраўляць паведамленні і карыстацца інтэрнэтам без дадатковых збораў, як на тэрыторыі сваёй краіны.
Уваходныя званкі стануць бясплатнымі, мінімальная квота складзе 300 хвілін у месяц. Для інтэрнэту прадугледжаны льготныя ўмовы: абаненты атрымаюць не менш за 5 ГБ без дадатковых плацяжоў, а кошт 1 ГБ складзе 4 рублі. Выходныя званкі будуць тарыфікавацца па ўмовах унутрысеткавых тарыфаў.
Гэтае рашэнне стала яшчэ адным крокам да ўзмацнення сувязяў паміж Беларуссю і Расеяй, аднак некаторыя аналітыкі адзначаюць, што скасаванне роўмінгу ўмацоўвае залежнасць беларускай сувязі ад расейскіх аператараў.
