Урад Беларусі зняў забарону на ўвоз і продаж у краіне некаторых прадуктаў з так званых «недружалюбных краінаў».
Такое рашэнне ўрад прыняў пасля таго, як насельніцтва стала скардзіцца на дэфіцыт бульбы і цыбулі. Але афіцыйна рашэнне патлумачылі захадамі ў адказ на санкцыі.
Не будзе дзейнічаць забарона на ўвоз і рэалізацыю на тэрыторыі Беларусі бульбы, рэпчатай цыбулі, капусты свежай белакачаннай і яблыкаў, якія паходзяць, у прыватнасці, з усіх краін Еўразвязу.
У паведамленні ўраду гаворыцца, што гэта адказ на чарговыя санкцыі ЕЗ, прынятыя на мінулым тыдні. Еўрапарламент ухваліў праект рашэння аб увядзенні павышаных мытных пошлін на ўвоз у Еўразвяз сельскагаспадарчай прадукцыі з Беларусі.
Прадуктовае эмбарга на шэраг прадуктаў з «недружалюбных краін» Лукашэнка ўвёў з 1 студзеня 2022 года, пазней яго некалькі разоў працягвалі, а спіс тавараў карэктавалі.
Беларускае Радыё Рацыя
