26 студзеня на сайце Міністэрства замежных спраў Польшчы з’явіўся афіцыйны каментар, згодна з якім праграма «Poland Business Harbour» (PBH) – прыпынена. Гэтая праграма мела значны ўплыў на падтрымку прадпрымальнікаў, якія рэлакаваліся з Беларусі, у тым ліку пасля рэпрэсій.
Сітуацыю каментуе прадстаўнік Асацыяцыі беларускага бізнесу за мяжой ABBA Юры Козікаў:
-Прыпынена – гэта не зачынена, па-першае. Па-другое, польскі бок таксама кажа пра тое, што такая спецыяльная візавая праграма патрэбная. На наш погляд, можа з новымі ўмовамі патрэбная спецыяльная візавая праграма для прадпрымальнікаў. Падтрымка менавіта беларускіх прадпрымальнікаў, падтрымка эканомікі Польчшы. Мы таксама бачым тое, што тая праграма якая была мела пэўныя вады, і гэтым карысталіся несумленныя грамадзяне і кампаніі.
Па словах прадстаўніка, Асацыяцыя беларускага бізнесу за мяжой ABBA працягне дыялог з афіцыйнымі прадстаўнікамі польскага боку для забеспячэння беларусаў працуючымі механізмамі развіцця бізнесу. ABBA збірае прапановы для выпрацоўкі лепшых рашэнняў і просіць дасылаць іх на Тэлеграм і пошту.
Беларускае Радыё Рацыя
