Святлана Ціханоўская і Павел Латушка сустрэліся з міністрам развіцця і тэхналогій Польшчы Кшыштафам Пашыкам.
Падчас сустрэчы абмяркоўваліся пытанні падтрымкі беларускай дэмакратычнай супольнасці, бізнесу і беларусаў. У Польшчы цяпер зарэгістравана больш за 18 тысяч прадпрымальнікаў і кампаній з беларускімі ўладальнікамі. Ціханоўская падкрэсліла важнасць падтрымкі сумленнага бізнесу, які прытрымліваецца дэмакратычных і еўрапейскіх каштоўнасцей і не супрацоўнічае з рэжымам Лукашэнкі.
Па выніках сустрэчы стала вядома, што Міністэрства апублікуе інструкцыі для беларускага бізнесу і беларусаў, якія хочуць пачаць прадпрымальніцкую дзейнасць у Польшчы, а таксама інфармацыю пра існуючыя магчымасці падтрымкі. Бакі таксама дамовіліся аб правядзенні ў гэтым годзе вялікага беларуска-польскага бізнес-форуму.
Беларускае Радыё Рацыя
Фота: tsikhanouskaya.org
