Пасля таго, як Украіна спыніла транзіт газу з Расеі ў Еўропу, пастаўкі газу ў дзяржавы Еўрапейскага Звяза былі забяспечаны альтэрнатыўнымі маршрутамі праз Германію і Італію, а таксама шляхам адбору газу са сховішчаў.
Пра гэта ішла гаворка на пазачарговым пасяджэнні Каардынацыйнай групы ЕЗ у газавых пытаннях, якое адбылося 2 студзеня, паведамляе «Еўрапейская праўда» са спасылкай на прэс-службу Еўракамісіі.
Еўракамісія канстатавала адсутнасць праблем з пастаўкамі газу ў 2025 годзе.
Энергетычная бяспека ЕЗ таксама была ўзмоцнена «новымі значнымі магутнасцямі па імпарце звадкаванага газу з 2022 года», паведамілі ў Еўракамісіі.
У прыватнасці, паказчык захоўвання газу ў сховішчах ЕЗ цяпер знаходзіцца на ўзроўні 72%, што некалькі вышэй, чым сярэдні паказчык для гэтай пары года — 69%.
