Даследчы цэнтр BEROC пры падтрымцы Фонду Фрыдрыха Эберта правёў даследаванне, прысвечанае тэме адаптацыі мігрантаў з Беларусі і Украіны на працоўным рынку Еўразвязу.
Прэзентацыя даследавання адбылася на інтэрнэт-пляцоўцы «Прэс-клуб Беларусь». Кажа аўтар даследавання, спікер прэзентацыі — Віялета Панасевіч:
У цэлым з 2020 года з Беларусі па розных ацэнках выехала каля паўмільёна чалавек, большая частка апытаных пражывае менавіта на тэрыторыі Польшчы. 35% беларусаў паведамілі, што яны мяркуюць вярнуцца ў Беларусь. Першай па папулярнасці прычынай сярод беларускіх эмігрантаў з’яўляецца змена ўлады ў Беларусі, наступная – гэта змена ўлады ў Расеі і змяненне знешняй палітыкі.
Кажа аўтар даследавання, сацыёлаг і акадэмічны дырэктар BEROC Леў Львоўскі:
Украінцы нейкім чынам здолелі ўладкавацца наёмнымі працаўнікамі ў дзяржсектары: 7% супраць 1% беларусаў. Украінцы часцей звярталіся ў фармальную службу занятасці. Беларусы часцей шукалі працу праз дыяспару, прычым значна часцей.
Паводле сацыёляга, даследаванне паказала, што захаваць свой капітал у эміграцыі беларусам, як і ўкраінцам, складана. Веданне сітуацыі з міграцыяй дапаможа ўявіць працэсы, якія адбудуцца па вяртанні людзей дамоў. А таму BEROC будзе сачыць за сітуацыяй цягам будучага году і публікаваць новыя даследванні.
Вынікі даследавання «Адаптацыйныя стратэгіі мігрантаў з Беларусі» можна паглядзець тут.
Беларускае Радыё Рацыя
