Германія і некаторыя іншыя краіны ЕЗ не падтрымалі частку санкцый супраць афіцыйнага Менска.
У прыватнасці, Германія выступіла супраць поўнай забароны на экспарт транспартных сродкаў з Еўразвязу. Таму санкцыі закрануць толькі тую тэхніку, якая “можа быць выкарыстаная ў ваенных мэтах”, адзначае “Позірк”. Такое змякчэнне новых санкцый падтрымала і Францыя. Прадстаўнікі Бельгіі заявілі, што пад забарону не трапяць прадметы раскошы, “такія як вырабы са скуры, парфума і віно”.
26 чэрвеня амбасадары ЕЗ узгаднілі новы пакет санкцый супраць рэжыму Лукашэнкі. Паведамлялася, што ён уводзіцца ў адказ на барацьбу з абыходам санкцый і агрэсію Расеі супраць Украіны. Цяпер дзейнічаюць восем пакетаў санкцый ЕЗ супраць афіцыйнага Менска, апошні з іх прыняты ў жніўні 2023 года.
Беларускае Радыё Рацыя
