Суд Еўразвязу ў Люксембургу адхіліў пазоў прадпрыемства “Гродна Азот” ды яго філіяла “Хімвалакно”, паведамляе DW.
Беларуская кампанія патрабавала адмяніць санкцыі Еўразвязу, накладзеныя на яе. Свой пазоў яна падала амаль два гады таму. У сваім рашэнні суд ЕЗ пастанавіў, што санкцыі супраць прадпрыемстваў былі ўведзеныя правамерна, і пакінуў іх. Суддзі прызналі рацыю ў тым, што Савет ЕС ацаніў “Гродна Азот” як стратэгічна важнае прадпрыемства ў беларускай эканоміцы, а таксама адзначыў, што гэта дзяржаўная кампанія, якая падтрымлівае рэжым Лукашэнкі і з’яўляецца крыніцай істотных даходаў.
“Гродна Азот” і яго філіял “Хімвалакно” трапілі пад санкцыі Еўразвязу ў снежні 2021 года.
Беларускае Радыё Рацыя
Фота: azot.by
