Цяпер у нафтаперапрацоўчай сферы Беларусі назіраецца ўсплёск вытворчасці авіяцыйнага рэактыўнага паліва і яго паставак у Расею чыгуначным транспартам — паведамляе сайт Супольнасці чыгуначнікаў Беларусі.
За апошнія 10 дзён фактычна з нуля рэзка павялічаны аб’ёмы экспартных перавозак са станцыі Барбароў (Гомельскае аддзяленне беларускай чыгункі) наліўных саставаў з авіяцыйным рэактыўным палівам на адрасы паліўных сховішчаў Санкт-Пецярбургу, Курску і Петразаводску.
Беларуская станцыя адпраўлення Барбароў размяшчаецца ў непасрэднай блізкасці ад Мазырскага нафтаперапрацоўчага завода. На завод для перапрацоўкі нафта паступае па нафтаправодзе «Дружба» і з Рэчыцкіх радовішчаў.
Беларускае Радыё Рацыя
