Беларуская арганізацыя па абыходжанні з радыеактыўнымі адходамі апублікавала відэа з архітэктурна-планавымі рашэннямі будучага пункту пахавання радыеактыўных адходаў.
Цяпер выбіраецца пляцоўка — варыянты ўключаюць вёску Навасёлкі пад Хойнікамі, Мсціслаўскі раён Магілёўскай вобласці і Астравецкі раён Гарадзенскай вобласці.
Першую чаргу аб’екта плануюць увесці да 2030 года. Плошча ўчастку складзе каля аднаго квадратнага кіламетра.
Арганізацыя заяўляе, што выбраныя рашэнні адпавядаюць сусветным стандартам бяспекі, і аб’ект гарантуе поўную ізаляцыю адходаў ад навакольнага асяроддзя. На рэалізацыю праекту плануецца вылучыць каля 941 млн рублёў,.
