Расея можа дазволіць сабе фінансаваць вайну ва Украіне яшчэ некалькі гадоў.
The Washington Post сцвярджае, што гэта магчыма дзякуючы вялізным даходам ад продажу нафты і правалам заходніх санкцый. У прыватнасці абмежаванне цэн на нафту, уведзенае краінамі G7, не змагло знізіць нафтавыя даходы краіны-агрэсара.
Разам з тым, эканоміка РФ знаходзіцца пад пагрозай “перагрэву” з-за заробкаў, якія імкліва растуць, вычарпання вытворчых магутнасцяў і недахопу рабочай сілы.
Варта дадаць, што страты ў асабовым складзе расейскага войска за час поўнамаштабнай агрэсіі перавысілі 689 тыс. За суткі паказчык вырас на 1440. Маюцца на ўвазе загінулыя і параненыя вайскоўцы.
Падлік вядзе Генштаб Украіны.
