Без уліку дэнамінацый 1994, 2000 і 2016 гадоў курс даляра складае 338 млн рублёў. Па ступені абясцэньвання нацыянальнай валюты да амерыканскага долара з 1991 году Беларусь застаецца лідарам сярод былых рэспублік СССР, сведчыць праведзены «Позіркам» аналіз валютных курсаў без уліку грашовых рэформаў.
За Беларуссю ў першай пяцёрцы размясціліся Узбекістан, Туркменістан, Украіна і Грузія.
На таргах Беларускай валютна-фондавай біржы 16 лістапада курс даляра ЗША дасягнуў новага гістарычнага максімуму — 3,38 рубля.
На падставе вынікаў таргоў Нацыянальны банк Рэспублікі Беларусь устанавіў такі ж афіцыйны курс на 18 лістапада.
Папярэдні гістарычны максімум быў вызначаны 14 лістапада. Перад гэтым 10 кастрычніка даляр падаражэў на 0,31% і стаў каштаваць 3,3 рубля, гэта таксама быў гістарычны максімум.
На курсе беларускага рубля да даляра адбілася зніжэнне расейскага, тлумачылі эканамісты. А таксама рост кошту даляра ў свеце.
