Латышскі вытворца лекаў «Olainfarm» пастанавіў цалкам сысці з беларускага і расейскага рынкаў, пра гэта паведаміў старшыня праўлення кампаніі Яніс Букс.
На цяперашні момант «Olainfarm» працуе над стварэннем новага партфелю лекаў, з якім вытворца мог бы выйсці на заходні рынак, цалкам пакінуўшы краіны, якія наўпрост ці ўскосна бяруць удзел у вайне супраць Украіны.
Кампанія «Olainfarm» займаецца вырабам лекавых прэпаратаў і харчовых дадаткаў, а таксама вытворчасцю хімікатаў і актыўных хімічных інгрэдыентаў. Статутны капітал кампаніі складае амаль 35 млн еўра. Яе абарот у 2022 годзе быў роўны 113,5 млн еўра.
