Нацыянальнае агенцтва па развіцці Лівіі ў рамках рэалізацыі пагадненняў атрымала партыю сельскагаспадарчай тэхнікі з Беларусі. Пастаўка стала вынікам чатырохдзённага візіту кіраўніка лівійскага ўрада Усамы Хамада ў Менск, дзе былі падпісаны пагадненні аб супрацоўніцтве ў розных сферах.
У Лівіі дзейнічае двоеўладдзе: усходняя частка кантралюецца галоўнакамандуючым Лівійскай нацыянальнай арміяй Халіфам Хафтарам, на захадзе дзейнічае прызнаны міжнароднай супольнасцю Урад нацыянальнай згоды. Беларусь актыўна развівае адносіны менавіта з Усходняй Лівіяй пад кантролем Хафтара.
