У чэрвені на расейскім рынку прададзена 199 новых грузавікоў Менскага аўтамабільнага заводу. Гэта амаль у 2 з паловай разы менш, чым у тым жа месяцы 2024-га году, гаворыцца ў даследаванні расейскай кампаніі «АСМ-холдынг».
Фота: av.by
Як адзначае «Позірк», на нарадзе па развіццю прамысловасці 9 красавіка 2024 году Аляксандр Лукашэнка заявіў, што «айчынная прадукцыя саступае аналагам як па цане, так і па якасці». «Доля нашых грузавых аўтамабіляў [на расейскім рынку] зьнізілася — да 6%», — звярнуў увагу ён.
15 чэрвеня 2023 году першы віцэ-прэм’ер Мікалай Снапкоў заявіў, што рынак аўтатэхнікі саюзнай дзяржавы Беларусі і Расеі «мае патрэбу ў апэратыўным прыняцці спэцыяльных ахоўных мер у сувязі з актыўнай экспансіяй кітайскіх вытворцаў».
