Мазырская цеплаэлектрастанцыя (ЦЭЦ) вяртаецца да звыклага рэжыму працы пасля ліквідацыі наступстваў непагадзі, якая абрынулася на горад увечары 14 ліпеня і пакінула мясцовых жыхароў без вады і электрычнасці, паведаміла ўвечары 16 ліпеня Мінэнерга Беларусі.
Таксама адноўлена энергазабеспячэнне галоўнага прамысловага спажыўца горада — Мазырскага НПЗ.
«Вядуцца работы па аднаўленні гарачага водазабеспячэння жыллёвага фонду. Плануецца, што падача гарачай вады насельніцтву пачнецца найбліжэйшым часам і будзе ажыццяўляцца паэтапна», — паведамілі ў Мінэнерга.
Увечары 14 ліпеня моцная бура пакінула 105 тысяч жыхароў Мазыра без вады і электрычнасці. У Гомельскай вобласці аб’явілі надзвычайную смтуацыю і сфармавалі аператыўны штаб па ліквідацыі наступстваў непагадзі. Праз адсутнасць электрычнасці спынілі працу Мазырскі нафтаперапрацоўчы завод і прадпрыемства «Мазырсоль».
Беларускае Радыё Рацыя
