Каманда BEROC зладзіла анлайн-прэзентацыю новых матэрыялаў “Маніторынгу эканомікі Беларусі”.
На мерапрыемстве выступіў старшы навуковы супрацоўнік BEROC Дзмітрый Крук, які распавёў пра асноўныя пагрозы для эканомікі Беларусі на сённяшні дзень:
-Нарастаючая праблема пагаршэння сальда знешняга гандлю, дэфіцыт рабочай сілы, дэфіцыт вытворчых магутнасцяў і набор макраэканамічных дыспрапорцый. Беларускі рубель пачаў спачатку абясцэньвацца да расейскага рубля, гэта адкрывае шлюз, якім мы былі закрытыя ад уплыву расейскай інфляцыі.
Акрамя таго, Крук пракаментаваў нядаўнюю заявуЛукашэнкі, у якой той прапанаваў старшыням выканкамаў кіраваць прыватным сектарам і прызначаць дырэктараў прыватных кампаній.
-Прыватны бізнес, які сёння застаўся ў Беларусі, ён добра разумее, дзе ён апынуўся і прымае правілы гульні. Спроба балансаваць паміж прыструньваннем бізнесу, а з другога боку, быццам яго падтрымкай, гэта прывязаць прыватны сектар да дзяржавы.
Дзмітрый Крук таксама адзначыў, што адсочваць санкцыйны націск на Беларусь становіцца ўсё больш складана. Паводле яго слоў, з-за аддзялення беларускай фінансавай сістэмы ад глабальнай, многія аперацыі праходзяць у непразрыстых схемах, а частка разлікаў зараз вядзецца ў альтэрнатыўных валютах, такіх як юань.
Цалкам матэрыял:
Беларускае Радыё Рацыя
