5 верасня на тэрыторыі вытворцы аўтамабіляў «БелДжы» ў вёсцы Гарэліца Барысаўскага раёну здарыўся пажар, паведамілі ў МНС Беларусі.
Работнікам давялося эвакуяваць аўтамабілі з прадпрыемства. Ратавальнікі ліквідавалі пажар. Пацярпелых няма.
«У выніку агнём пашкоджаныя сцелажы, дэталі, прызначаныя для ўтылізацыі (брак), якія складвалі на іх, і частка брэзентавай сцяны ангара. Прычына пажару высвятляецца», — паведамілі ў Міністэрстве па надзвычайных сітуацыях.
