Завод па вытворчасці рэактыўных снарадаў для сістэмы “Град” і артылерыйскіх снарадаў будуецца ў 60 км ад Менску — у Слуцкім раёне каля вёскі Паўлаўка. Пра гэта паведамляе ў новым расследаванні аб’яднанне BelPol.
Адзначаецца, што месцам для базавання вытворчасці вызначана тэрыторыя былой ракетнай базы, якая не дзейнічае з 1996 года. Прадпрыемства ўзводзіцца паводле сакрэтнага распараджэння Лукашэнкі. Заканчэнне будаўніцтва запланавана на снежань будучага году.
