Адно з вядучых прадпрыемстваў беларускага Дзяржкамваенпрама — менскае адкрытае акцыянернае таварыства “Планар” — уключана ў новы санкцыйны пакет Украіны, зацверджаны прэзідэнтам Уладзімірам Зяленскім 9 траўня.
Гаворка ідзе аб блакаванні актываў, поўным прыпынку гандлёвых аперацый і транзіту рэсурсаў і іншых абмежаваннях, прадугледжаных законам Украіны “Аб санкцыях“.
“Планар” ужо знаходзіцца ў санкцыйных спісах ЗША, Вялікабрытаніі, Аўстраліі і Канады.
Аб’яднанне былых сілавікоў BelPol у сакавіку заявіла, што прадпрыемства працягвае закупляць абсталяванне ў ЗША, выкарыстоўваючы для абыходу санкцый у якасці пасярэднікаў кітайскія і карэйскія кампаніі.
Беларускае Радыё Рацыя
Фота: planar.by
