Ад Беларусі залежаць далейшыя стасункі з Польшчай, у тым ліку эканамічныя. Пра гэта казаў міністр замежных спраў Польшчы Радаслаў Сікорскі ў эфіры радыё RMF24. Раней Кітай выказаў занепакоенасць у сувязі з сітуацыяй на польска-беларускай мяжы.
Зміцер Лупач
Каб палепшыць гэтую сітуацыю трэба спыніць правакацыі з мігрантамі, выдаць забойцу польскага жаўнера і вызваліць польскіх зняволеных, у тым ліку Анджэя Пачобута – заяўляе польскі бок. А пакуль памежныя тэрміналы працуюць, гаворыць журналіст Зміцер Лупач:
– Мы заехалі на чыгуначную станцыю Малашэвічы, гэта асноўны тэрмінал, пра які праходзяць усе грузы, якія ідуць з Кітая ў Еўропу. Фуры перамяшчаюцца.
Руслан Гусейнаў
Гаворыць Руслан Гусейнаў:
– Я ўбачыў, што многа кантэйнераў, якія ідуць з кітая. Заязджаюць гэтыя фуры, загружаюцца і едуць далей. Тыя, што ідуць на Расею, таксама загружаюцца.
Дзмітрый Балкунец
Паводле ініцыятара закрыцця мяжы для фур Дзмітрыя Балкунца, Лукашэнка не разумее дыпламатыі, з ім трэба размаўляць яго мовай, каб дамагчыся выканання патрабаванняў.
Беларускае Радыё Рацыя
