У Беларусі дагэтуль не ратыфікаваная адна з дзесяці канвенцый, якія лічацца фундаментальнымі, а шэраг палажэнняў ратыфікаваных канвенцый улады не выконваюць.
Пра гэта сведчыць даследаванне, якое правёў праваабаронца «Вясны» Алег Мацкевіч. Адзін з асноўных чыннікаў, паводле якіх дыскрымінуюць фізічных асоб у Беларусі ў сферы працоўных адносін, — гэта палітычныя погляды і грамадзянская пазіцыя.
Праваабаронца кажа пра «тысячы звольненых з працоўных месцаў за сваю грамадзянскую пазіцыю.
Даследаванне «Вясны» таксама ўказвае на частыя парушэнні працоўных правоў грамадзян Беларусі па прыкметах мовы, нацыянальнасці ды інваліднасці.
