Як раней паведамлялася, Еўразвяз узмацніў санкцыі супраць чатырох беларускіх банкаў, якія ўжо былі адключаныя ад сістэмы SWIFT. Пра гэта стала вядома з афіцыйнага часопіса ЕЗ.
У новы пакет санкцый увайшлі: Белаграпрамбанк, Банк «Дабрабыт», Банк развіцця і Белінвестбанк. Для гэтых банкаў цяпер уведзена поўная забарона на фінансавыя транзакцыі.
Акрамя таго, у санкцыйны спіс трапілі восем беларускіх прадпрыемстваў. Новыя меры таксама датычацца і гандлю паміж Беларуссю і Расеяй, уключаючы поўную забарону на фінансавыя аперацыі з выкарыстаннем спецыялізаваных паслуг абмену паведамленнямі і эмбарга на імпарт зброі з Беларусі.
Нагадаем, што ў сакавіку 2022 года Белаграпрамбанк, Банк развіцця і Банк «Дабрабыт» ужо былі адключаныя ад SWIFT. У спісе санкцый таксама знаходзяцца Белінвестбанк і «дочкі” расейскіх банкаў, такія як Ашчадбанк, Банк ВТБ (Беларусь) і БелВЭБ.
Беларускае Радыё Рацыя
