З 22 студзеня ў Беларусі пачне дзейнічаць тарыфная льгота на ўвоз электрамабіляў. Пра гэта паведамілі ў Еўразійскай эканамічнай камісіі.
Акрамя Беларусі, тарыфныя льготы ў межах ЕАЭС на наступны год атрымалі таксама Арменія і Кыргызстан.
У 2026 годзе Беларусь зможа беспошлінна ўвезці да 20 тысяч электрамабіляў. Гаворка ідзе пра транспартныя сродкі, якія класіфікуюцца па мытным кодзе 8703 80 000 3.
Пры гэтым у беларускую квоту не ўключаны гібрыдныя аўтамабілі — без выплаты мытных пошлін дазволены ўвоз толькі транспартных сродкаў, абсталяваных выключна электрычным рухавіком.
