Таваразварот Беларусі і Расеі ў першым паўгоддзі 2024 года склаў 25,1 млрд даляраў. У параўнанні з аналагічным леташнім перыядам ён вырас на 6,4%. Такія звесткі прывялі ў Белстаце.
Як растлумачылі ў Нацыянальным статыстычным камітэце РБ, аснову экспарту Беларусі ў Расею склала прадукцыя апрацоўчай прамысловасці.
Аб’ёмы экспарту харчовай прадукцыі выраслі на 8,4 працэнта, таксама на 13,1 працэнта вырас экспарт вылічальнай, электроннай і аптычнай апаратуры, транспартных сродкаў і абсталявання – на 5,3 працэнта.
Устойлівыя гандлёва-эканамічныя сувязі з Беларуссю падтрымліваюць больш за 80 суб’ектаў Расеі. У 2023 годзе Беларусь з рабочымі візітамі наведалі звыш 90 афіцыйных дэлегацый больш як з 50 суб’ектаў Расейскай Федэрацыі, у тым ліку на чале з губернатарамі – 38.
Беларускія камплектуючыя выкарыстоўваюцца на 25 расейскіх аўтазаводах, у тым ліку КамАЗам і АвтоВАЗам.
