Прэзідэнт ЗША Дональд Трамп падпісаў указ аб падвышэнні мытаў на імпарт сталі і алюмінію ў два разы — з 25 да 50%. Рашэнне мае набыць моц сёння, 4 чэрвеня.
У дакуменце гаворыцца, што мыты, уведзеныя ў сакавіку, «яшчэ не дазволілі» амерыканскай прамысловасці «развіць і падтрымаць узровень выкарыстання вытворчых магутнасцяў, неабходны для ўстойлівага развіцця галін і патрэбаў нацыянальнай абароны».
На думку Трампа, падвышэнне тарыфаў «забяспечыць вялікую падтрымку гэтым галінам і знізіць або ліквідуе пагрозу нацыянальнай бяспецы, якую нясе імпарт вырабаў з сталі і алюмінію, а таксама іх вытворных».
Гэтае рашэнне не закране Вялікую Брытанію, тарыфы на імпарт з гэтай краіны застануцца на ранейшым узроўні 25%, піша Bloomberg.
Беларускае Радыё Рацыя
