У Беларусі будуць канфіскоўваць таксоўкі і маршруткі, не ўключаныя ў рэестр аўтамабільных перавозак. Пра гэта паведаміў начальнік упраўлення аўтамабільнага і гарадскога пасажырскага транспарту Міністэрства транспарту Андрэй Гладкі.
“Калі аўтамабільны перавозчык, транспартны сродак не будуць уключаныя ў рэестр, ажыццёўленая ім дзейнасць будзе з’яўляцца забароненай. Што гэта цягне за сабой далей? У судоў з’яўляюцца ўсе падставы канфіскаваць транспартныя сродкі ў перавозчыкаў у даход дзяржавы”, — заявіў прадстаўнік Мінтрансу.
Кампаніі, у якіх забяруць транспарт, будуць аўтаматычна пазбаўленыя магчымасці вярнуць яго пасля выплаты штрафу.
Рэестр аўтамабільных перавозак пасажыраў пачне дзейнічаць у Беларусі з 1 жніўня.
