Часовае абмежаванне экспарту рэгенеруемай паперы і кардону (адходаў і макулатуры) плануецца ўвесці ў Беларусі. Мяркуецца, што вываз будзе забаронены на шэсць месяцаў. Адпаведныя нормы змяшчае пастанова Савета міністраў, праект якой вынесены на грамадскае абмеркаванне.
Прычынай такіх абмежаванняў называецца рэзкі рост вывазу гэтай прадукцыі і ўзніклы дэфіцыт на ўнутраным рынку.
З ініцыятывай забароны выступіў канцэрн “Беллеспаперапрам”, які і вядзе абмеркаванне праекта дакумента.
