Рэестр пустуючых дамоў пастаянна папаўняеца і цяпер налічвае каля 35 тыс.дамоў, што вельмі шмат, распавёў на сайце беларускага Дзяржаўнага камітэта па маёмасці яго старшыня Дзмітрый Матусевіч.
Паводле яго, за мінулы год прадалі амаль 1400 пустуючых дамоў. Чыноўнік нагадаў, што на публічнай кадастравай карце нанесеныя дамы, выстаўленыя ў дадзены момант на продаж.
Таксама за 2024 год звыш 5 тыс. адзінак закінутага жылля было ўцягнута ў гаспадарчы абарот.
Нагадаем, што ў Беларусі зараз абвешчана зямельная амністыя для легалізацыі незаконна атрыманай зямельнай маёмасці. Паколькі рэестр пустуючых дамоў пастаянна папаўняецца, дзеянне зямельнай амністыі, было падоўжанае да 1 студзеня 2028 года.
