З 1 ліпеня ў Беларусі мяняюцца правілы атрыманьня пенсій і шэрагу іншых сацыяльных выплат — дапамогі сем’ям, якія выхоўваюць дзяцей, а таксама дапамогі па доглядзе інваліда I групы, або асобы, якая дасягнула 80-гадовага ўзросту.
Паводле новых правілаў, выплаты пераводзяць з пошты ў банк. Раней яны былі даступныя да атрымання на пошце або дастаўляліся дадому, цяпер іх можна будзе атрымаць толькі ў банку.
Пакуль змены датычацца толькі насельніцтва Менску, абласных гарадоў і раённых цэнтраў, прычым далёка ня ўсіх іх жыхароў. Таму, хто яшчэ не перавёў свае пенсіі і іншыя сацыяльныя выплаты з пошты ў банк, трэба зрабіць гэта да 21 чэрвеня.
Беларускае Радыё Рацыя
