Міністэрства антыманапольнага рэгулявання і гандлю Беларусі ўстанавіла кошт паслуг па выплаце і дастаўцы пенсій праз пошту. Адпаведны дакумент быў апублікаваны на Нацыянальным прававым інтэрнэт-партале.
Згодна з дакументам, за атрыманне пенсіі ў аддзяленні пошты пенсіянерам давядзецца заплаціць 1 рубель 80 капеек. За дастаўку пенсіі паштальёнам на дом – 8,5 рублі. Гэтыя сумы будуць спаганяцца за кожную выплату або дастаўку ў Менску, а таксама ў абласных і раённых цэнтрах.
Аднак паслуга будзе прадастаўляцца толькі пасля ўнясення платы за яе, і толькі для тых пенсіянераў, хто самастойна абраў атрыманне пенсіі праз пошту.
Пры гэтым прадугледжаны выключэнні: пенсіянеры старэйшыя за 70 гадоў, інваліды, а таксама грамадзяне, якія пражываюць у сельскай мясцовасці, вызваленыя ад аплаты гэтых паслуг.
Беларускае Радыё Рацыя
Фота: 1prof.by
