У Кіеў прыбылі інспектары амерыканскіх дзяржаўных устаноў, каб праверыць, як украінскія ўлады расходуюць дапамогу Вашынгтона. Пра гэта заявіла амбасадар ЗША ва Украіне Брыджыт Брынк (Bridget Brink).
Інспектары прадстаўляюць міністэрствы замежных спраў і абароны, а таксама Агенцтва ЗША па міжнародным развіцці (USAID).
У Кіеве яны сустрэнуцца з прадстаўнікамі ўкраінскага ўрада і іншымі мясцовымі партнёрамі, паведаміла дыпламат на платформе X.
У апошнія месяцы ўкраінскія ўлады абвяргалі паведамленні СМІ аб карупцыйных справах, звязаных з выкарыстаннем дапамогі заходніх краін, у тым ліку ваеннай падтрымкі. Урад у Кіеве паслядоўна сцвярджаў, што ўсе сродкі, атрыманыя з-за мяжы, накіроўваюцца на патрэбы арміі і грамадства.
Беларускае Радыё Рацыя
